ہمارے قارئین کیا کہتے ہیں؟

مشاہیر کے تبصرے

شیخ الحدیث مولانا عبد التواب صدیقی

آج ضرورت اِس اَمر کی ہے کہ اُمتِ مسلمہ قرآن حکیم کے ساتھ اپنا تعلق پھر سے بحال کرے۔ شیخ الاسلام ڈاکٹر محمد طاہر القادری کی یہ کاوِش واقعی لائقِ صد تحسین ہے، جو کہ ایک مینارہء نور کی حیثیت رکھتی ہے۔

شیخ الحدیث مولانا عبد التواب صدیقی

جامعہ نظامیہ، لاہور

میاں محمد اسلم اقبال

قرآ ن سے جو رشتہ ٹوٹتا جا رہا ہے وہ "عرفان القرآن" پڑھنے سے جڑے گا، اللہ ہماری نیتوں کو درست کرے۔ ڈاکٹر محمد طاہرالقادری کے علمی کارنامے اہلِ پاکستان کا فخر ہیں، خصوصاً ترجمہء قرآن "عرفان القرآن" اُمت کے اَمراض کی دوا بن سکتا ہے۔ قرآن کے نور کو عام آدمی کے فہم تک پہنچانے میں ڈاکٹر محمد طاہرالقادری کی کوشش تاریخی نوعیت کی ہے۔

میاں محمد اسلم اقبال

وزیر سیاحت و ثقافت، پنجاب

سید علی غضنفر کراروی

ہرکسی نے اپنے عقیدے کے مطابق تراجم لکھے مگر "عرفان القرآن" میں منشاء اِلٰہی و رسول کو ملحوظ رکھا گیا ہے۔ ڈاکٹر محمد طاہرالقادری امت کو جوڑنے کے لیے محبت اور یگانگت کی بات کرتے ہیں، ان کا ترجمہء قرآن فرقہ واریت کی آگ بجھا نے کا ساماں پیدا کرے گا۔

سید علی غضنفر کراروی

سیکرٹری جنرل تحریک علماء پاکستان

علامہ محمد معراج الاسلام

کئی تراجمِ قرآنِ حکیم میں ادب و احترم کو ملحوظ نہیں رکھا گیا۔ "عرفان القرآن" ایک ایسا بیش قیمت ترجمہ ہے جسے پڑھ کر شکوک و شبہات پیدا نہیں ہوتے بلکہ پہلے سے موجود اَوہام کا خاتمہ ہوتا ہے۔

علامہ محمد معراج الاسلام

شیخ الحدیث

ڈاکٹر ہمایوں احسان

قرآن حکیم کا ترجمہ کرنا دنیا کا مشکل ترین کام ہے۔ ڈاکٹر محمد طاہرالقادری مبارک باد کے مستحق ہیں جنہوں نے اتنا نایاب، آسان فہم اور عصرِ حاضر کے تقاضوں کے مطابق جدید ترین ترجمہ کر کے اُمت پر اِحسان کیا۔ "عرفان القرآن" ایک ایسی نادر شے ہے جسے پڑھ کر اُمتِ مسلمہ اپنا کھویا ہوا مقام دوبارہ حاصل کر سکتی ہے۔

ڈاکٹر ہمایوں احسان

پرنسپل پاکستان کالج آف لاء

سعید الحسن گیلانی

قرآن پڑھنے کا ذوق زندہ کرنے کی ضرورت ہے۔ "عرفان القرآن" ایک ایسا نادر ترجمہ ہے جو مسلمانوں میں قرآن کی تلاوت کرنے کا ذوق پیدا کرے گا، جس کے بعد قاری فہمِ قرآن تک پہنچے گا۔

سعید الحسن گیلانی

وزیرِ مذہبی اُمور پنجاب

خواجہ معین الدین کوریجہ

جدید ذہنوں میں پیدا ہونے والے شکوک و شبہات کا جواب بھی "عرفان القرآن" میں ہے اور فرقہ واریت کے عفریت کا علاج بھی "عرفان القرآن" کے مطالعے میں ہے۔ ہمارا معاشرہ دہشت گردی کی لپیٹ میں ہے، اسلام کا پیغامِ اَمن اور انسانیت وقت کا اہم تقاضا ہے اور ڈاکٹر محمد طاہرالقادری نے پوری دنیا میں اَمن کے سفیر کے طور پر مانے جاتے ہیں۔ عرفان القرآن قیامت تک پڑھا جاتا رہے گا۔

خواجہ معین الدین کوریجہ

آستانہ عالیہ کوٹ مٹھن شریف

ڈاکٹر طاہر حمید تنولی

برصغیر پاک و ہند میں ہونے والے تراجمِ قرآن درخت ہیں اور ڈاکٹر محمد طاہرالقادری کا ترجمہء قرآن "عرفان القرآن" پھل ہے۔ یہ ترجمہ اپنی معنویت کے اعتبار سے تفسیر ہے۔ شیخ الاسلام کا ترجمہء قرآن عصرِ حاضر کا بہت عظیم علمی کارنامہ ہے جس سے صدیوں تک اُمت فیض حاصل کرتی رہے گی۔ ڈاکٹر محمد طاہرالقادری نے حضور صلی اللہ علیہ وآلہ وسلم کے ادب کو محور و مرکز بنایا ہے اور کہیں بھی ادب کا دامن چھوٹتا نظر نہیں آتا۔

ڈاکٹر طاہر حمید تنولی

معروف اسکالر

علامہ زبیر احمد ظہیر

ڈاکٹر طاہرالقادری نے ترجمہ کے دوران ذرّہ برابر بھی ڈنڈی نہیں ماری اور مسلک اور عقیدہ سے بالا ہو کر وہ لکھا جو قرآن انسانیت کو سکھا رہا ہے۔ ڈاکٹر طاہرالقادری نے فرقہ بندی کی دیواروں کو توڑ کر اُمتِ مسلمہ کے لیے ترجمہ لکھا ہے، میں انہیں خصوصی مبارک باد دیتا ہوں۔

علامہ زبیر احمد ظہیر

مرکزی امیر جماعت اہلِ حدیث، پاکستان

پیر ڈاکٹر جمیل الرحمن چشتی

ڈاکٹر محمد طاہرالقادری کا ترجمہء قرآن "عرفان القرآن" قاری کو قرآن کی حقیقی روح تک پہنچاتا ہے۔ عرفان القرآن کا اُسلوب اور ترجمے کا منفرد انداز دیگر تراجم سے "عرفان القرآن" کو ممتاز کرتا ہے۔

پیر ڈاکٹر جمیل الرحمن چشتی

آستانہء عالیہ چشتیہ آباد کامونکی

ڈاکٹر رحیق احمد عباسی

<div style="directio:rtl;">25 سال میں تحریکِ منہاج القرآن دنیائے اسلام کی سب سے بڑی تحریک کا روپ دھار چکی ہے۔ شیخ الاسلام ڈاکٹر محمد طاہرالقادری کا علمی کام اگلے کئی سو سالوں تک اُمت کی رہنمائی کرتا رہے گا۔ قرآن حکیم کے تراجم کی تاریخ میں "عرفان القرآن" بیش قیمت علمی اثاثہ ہے جو اپنا منفرد اور اعلیٰ مقام رکھتا ہے۔</div>

ڈاکٹر رحیق احمد عباسی

سابق ناظم اعلیٰ تحریک منہاج القرآن

مفتی محمد اقبال کھرل

دورِ حاضر کی علمی شخصیات میں شیخ الاسلام ڈاکٹر محمد طاہرالقادری اعلیٰ مقام رکھتے ہیں۔ ڈاکٹر محمد طاہر القادری نے ترجمہء قرآن کر کے قرآن کا عرفان زمانے میں پھیلانے کی سعی کی ہے۔ اس وقت عالمِ اِسلام میں ڈاکٹر محمد طاہر القادری ہی ایک ایسی شخصیت ہیں جو اُمت کو ایک پلیٹ فارم پر اکٹھا کر رہے ہیں اور قرآن کا عرفان بھی دے رہے ہیں۔

مفتی محمد اقبال کھرل

حضرت میاں میر مسجد کے خطیب